Килиан Мбаппе "Реал Мадрид" сапына ауысты

Килиан Мбаппе "Реал Мадрид" сапына ауысты

04.06.2024 07:36

Фото: instagram.com/k.mbappe

Белгілі француз футболшысы Килиан Мбаппе ресми түрде «Реал Мадрид" клубына ауысты, деп хабарлайды El.kz ақпарат агенттігі.

Футболшы 30 маусымда ПСЖ-дан біржола кетеді. Мадридтік клуб француздың қатарға қосылғаны туралы әлеуметтік желідегі парақшаларында жаза бастады.

Айта кететін жайт, Мбаппе «Реалға» еркін агент ретінде ауысып отыр. Себебі оның ПСЖ-мен келісімшарты биыл жазда аяқталады.

Ал "Реалда" француз шабуылшысы 9-нөмірмен өнер көрсетпек. Соңғы маусымда Мбаппе ПСЖ сапында барлық турнирде 48 матчқа қатысып, 44 гол соқты және 10 нәтижелі пас берді. Transfermarkt.de сайты оның құнын 180 млн еуроға бағалап отыр.