ҚХА «Елбасы және халқы» кітабының тұсаукесер рәсімін өткізеді

25 шілде күні сағат 11.00-де Қазақстан халқы Ассамблеясы Қазақстан Республикасының Тұңғыш Президенті – Елбасы кітапханасында «Елбасы және халқы» («Елбасы и народ») кітабының тұсаукесер рәсімі өтеді.

Жинақта Қазақстан халқы Ассамблеясын құрудың бастамашысы, Қазақстан халқы Ассамблеясының Төрағасы – Тұңғыш Президент Нұрсұлтан Әбішұлы Назарбаевтың 1995-2019 жылдардағы сессияларда сөйлеген сөздері топтастырылған. Сондай-ақ этно-мәдени бірлестік өкілдері қоғамдық келісім мен жалпыұлттық бірліктің қазақстандық үлгісінің авторына – кемеңгер саясаткер, дара тұлға Елбасына алғыс білдіреді.

Іс-шараға Қазақстан халқы Ассамблеясының Төрағасының орынбасары Ж.Түймебаев, Қазақстан Республикасы Мәдениет және спорт министрі Ақтоты Райымқұлова, Қазақстан Республикасының Тұңғыш Президенті – Елбасы кітапханасының директорының орынбасары К. Ақтаева, Қазақстан Республикасы Парламенті Мәжілісінің депуттары, ҚХА мүшелері, БАҚ басшылары және басқа да мемлекет қайраткерлері мен зиялы қауым өкілдері қатысады деп жоспарлануда.

Қысқа да нұсқа. Жазылыңыз telegram - ға