Кенияда аштықтан көз жұмған сектанттар саны 372 адамға жетті
Кения полициясы діни сектаның қызметін тергеу барысында тағы 12 адамның мәйітін қазып алды, олардың ізбасарлары Құдаймен кездесу үшін аштан өлген. Қаза тапқандар саны 372 адамға жетті, деп хабарлайды El.kz ақпарат агенттігі.
Эксгумация операцияның төртінші кезеңінің үшінші күні өтті. Полицияның мәліметінше, биылғы сәуірден бастап пастор Пол Маккензи бастаған сектадан 95 адам шығарылды. Ашығудан аман қалған бұл адамдар енді қоғамға қайта ену үшін қажетті қолдау алады.
Оқи отырыңыз:
- Ақмола облысында ер адам баланы құтқарамын деп суға батып кетті
- Оралда екі күнде 2 ер адамның денесі табылды
Бұған дейін Кенияның ішкі істер министрі Китуре Киндики сектаға адамдарды жалдауға мүмкіндік берген құқық қорғау органдарының қызметкерлері заң алдында жауапқа тартылатынын мәлімдеді. Билік адамдар жаппай жерленген 40 орынды анықтады.
Кениядағы «Ізгі хабар» халықаралық шіркеуін басқаратын Маккензи сектасының қызметін тергеу аясында сәуір айының ортасынан бастап Килифи округінің Шакахола орманынан жүздеген мәйіт табылды. Ол ізбасарларына ақыр заманға дейін аспанға жету үшін аштан өлуді бұйырды деп айыпталуда. Кейбір құрбандардың ішкі органдары кесілген, бұл адам ағзаларының саудасына күдік туғызды.
Қысқа да нұсқа. Жазылыңыз telegram - ға