«Келешек мектептері» жобасы білім беру жүйесін жаңа деңгейге көтереді – Ғани Бейсембаев
Оқу-ағарту министрі Ғани Бейсембаев орталық коммуникациялар қызметінде өткен баспасөз брифингінде соңғы алты жыл ішінде елімізде білім беру инфрақұрылымын дамытуда бұрын-соңды болмаған нәтижеге қол жеткізілгенін мәлімдеді, деп хабарлайды El.kz ақпарат агенттігі.
Министрдің айтуынша, Қазақстанда миллион оқушыға шақталған мыңнан астам заманауи мектеп салынды.
«Жайлы мектеп» – бұл XXI ғасыр талаптарына сай келетін заманауи білім беру инфрақұрылымын қалыптастыруға бағытталған стратегиялық қадам. Бұл жай ғана мектеп ғимараттары емес, бұл – болашақ ұрпақтың интеллектуалдық және шығармашылық әлеуеті қалыптасатын инновациялық білім кеңістігі, – деді Ғани Бейсембаев.
Министрдің мәлімдеуінше, енді бұл жобаның атауы «Келешек мектептері» деп өзгертіледі.
Бұл атау жаңа мектептердің басты миссиясын нақты көрсетеді. Бұл Қазақстан балалары үшін тең мүмкіндіктер беретін болашақ мектептері, – деп атап өтті министр.
Жоба аясында бүгінге дейін еліміздің түкпір-түкпірінде 100-ден астам жаңа мектеп салынды. Бұл мыңдаған оқушы үшін білім алу жағдайын едәуір жақсартуға мүмкіндік берді. Мәселен, Астанада «Жайлы мектеп» стандарты бойынша 9 мектеп ашылып, үш ауысымда оқыту мәселесін біршама шешуге сеп болды.
Ғани Бейсембаев «Келешек мектептері» жобасы білімге тең қолжетімділікті қамтамасыз етуге бағытталған ұлттық басымдықтардың бірі ретінде жүзеге асырылып жатқанын атап өтті.
Қысқа да нұсқа. Жазылыңыз telegram - ға
Оқи отырыңыз 
