Қандастар Ассамблея

Тұңғыш рет "Үркер" ұлттық журналистика сыйлығы шетелдегі қазақ тілді БАҚ-қа берілді

13.11.2020 390

13 қараша Нұр-Сұлтан қаласында баспа, радио және интернет-журналистика саласындағы «Үркер – 2020» ұлттық сыйлығының жеңімпаздарын марапаттау рәсімі өтті.


Биыл «Отандастар қорының» ұсынысымен және Ақпарат және қоғамдық даму министрлігінің қолдауымен «Үркер» ұлттық сыйлығы «ҚазАқпарат» Халықаралық Ақпарат агенттігінің 100 жылдығына орай шетелдегі қазақ тілді БАҚ өкілдеріне арнайы бір номинация тағайындалған еді.

Байқауға Ресей, Өзбекстан, Моңғолия, Түркия, Иран мемлекеттерінен 10 үміткер қатысты. Қазылар алқасының шешімімен Моңғолия Республикасындағы қазақ тілді https://kaznews.mn/ сайты жеңімпаз атанды.

Айта кетейік, «Отандастар қоры» мен «ҚазАқпарат» Халықаралық Ақпарат агенттігі бірлесе жұмыс істеп келеді. 2019 жылы екі тараптың қолдауымен шетелдегі қазақ тілді бұқаралық ақпарат құралдарының жиыны ұйымдастырылды. Аталған мәжілісте шетелдегі қазақ тілді БАҚ бірлестігін құру ұсынылды.

Сондай-ақ 2020 жылы Ақпарат және қоғамдық даму министрлігінің «Шетелдік және Қазақстан Республикасына келген этникалық қазақтарды қолдауды қамтамасыз ету жөніндегі қызметтер» бағдарламасы шеңберінде 80 астам шетелдегі қазақ тілді БАҚ-тың дерекқоры анықталды.

Енді 2021 жылы шетелдегі қазақ тілді БАҚ бірлестігін құру жоспарланған.
«Үркер» ұлттық журналистика сыйлығының шетелдегі үздік қазақ тілді БАҚ-қа арналған алғашқы жүлдесін жеңіп алған https://kaznews.mn/ сайтын «Отандастар қоры» атынан құттықтаймыз!

Ұқсас материалдар