Индонезияда «Димаш - Қазақстанның алтын дауысы» көрмесі өтті
Іс-шара қонақтарына орындаушының концерттерінің бірі көрсетілді
Индонезияның астанасы Джакартада Димаш пен Қазақстанның мәдениетіне арналған 10 күндік көрме өтті, деп хабарлайды El.kz
Іс-шара қонақтарына орындаушының концерттерінің бірі көрсетілді, сондай-ақ Қазақстаннан суреттер мен кәдесыйлар ұсынылды.
Көрме 2022 жылғы 29 маусымнан 8 шілдеге дейін «Индонезия Республикасының Ұлттық кітапханасында» өтті. Іс-шараны Қазақстан Республикасының Индонезиядағы елшілігі мен Индонезия Республикасының Нұр-Сұлтандағы елшілігінің қолдауымен Димаш Құдайберген DIDFC Индонезиялық фан-клубы ұйымдастырды.
Іс-шара барлық ниет білдірушілер үшін тегін болды. Dears барлық қонақтар үшін Димаштың «Дайдидау» және «Любовь уставших лебедей» әндерімен таңғажайып қойылымдар дайындады, олар түпнұсқада да, Индонезиялық нұсқада да шырқалды.
Қазақстандық орындаушының шығармашылығымен танысқаннан кейін қазақ тілін белсенді меңгере бастаған Димаштың жанкүйері Тита Джаджосман Мұхтар Әуезовтің «Еңлік-Кебек» атты белгілі поэмасын оқып, қонақтарды таңғалдырды.
Сондай-ақ көрменің ашылу күні барлық қонақтар үшін Димаштың «D-Dynasty» концертін тамашалау ұйымдастырылды.
Осыдан кейін ресми ашылу рәсімі өтті. Didfc фан-клубы және екі елшілік өкілдері сөз сөйледі.
Көрмеде Димаштың фотосуреттері, оның шығармашылығы туралы ақпарат, сондай-ақ Қазақстанның суреттері мен кәдесыйлары, оның ішінде келушілер тамашалай алатын домбыра мен дәстүрлі киімдер ұсынылды.
Қысқа да нұсқа. Жазылыңыз telegram - ға