Иммунитетті көтеруге қажетті 10 кеңес

Көптеген аурулардың алдын алып, ем алуда иммунитеттің рөлі ерекше. Олардың ішінде тұмау да бар. Тұмау өршіп тұрған қыс айларында иммунитетті көтерудің тиімді әдістерін білу артық етпейді. Назарларыңызға иммунитетті көтеруге қажетті 10 пайдалы кеңесті ұсынамыз.

Неліктен иммунитетті күшейту керек

Иммунитет деген не? Иммунитет – ағзаның қорғанысы. Әсіресе, ВИЧ сияқты қауіпті аурулар иммунитет жетіспеушілігінен болады.

Жоғары иммунитет маусымдық тұмаудан қорғап қана қоймайды. Сонымен қатар тұрақты әл-ауқаттың кепілі. Сондықтан кездейсоқ кесел жабысқанда қарсы тұра алу үшін иммунитет жоғары болу керек.

1. Иммунологқа барыңыз

Дәрігер талдаулар жасап, қажет болған жағдайда дененің қорғанысын толығымен қалпына келтіруге көмектесетін ем тағайындайды.

2. Дұрыс тамақтану

Негізгі диета табиғи өнімдерден тұруы керек: ет пен балық, сүт және сүт өнімдері, дәнді және өсімдік майлары, көкөністер мен жемістер. Мұндай тамақтану кезінде ағза иммунитетті тиіс деңгейде ұстап тұру үшін жеткілікті ресурстар алады. Зиянды тағамдарға (қытырлақ картоп, газдалған сусын) келетін болсақ: егер сіз оны кейде жесеңіз, ешқандай зиян болмайды, бірақ шектен шығып кетпеу керек.

3. Суды жеткілікті мөлшерде ішу

Егер денеде сұйықтық жеткіліксіз болса, онда барлық ішкі ағзалардың тіндерінің тамақтануы зардап шегеді, бұл иммунитеттің қорғаныс функцияларын бұзып қана қоймай, сонымен қатар көптеген аурулардың дамуына себеп болады. Сондықтан сіз күн ішінде кем дегенде 1 литр қарапайым су ішуді әдетке айналдыруыңыз керек. Маңызды: кофе, шай, шырындар, сорпалар және т.б. денеде қарапайым су сияқты әрекет етпейді, сондықтан бұл сұйықтықтар оны алмастыра алмайды.

   4. Үнемі жаттығулар жасаңыз

Жоғары бұлшықет тонусы метаболизм мен жүйке реттелуінің дұрыс жұмыс істеуі үшін қажетті шарт. Оған иммундық реакцияның қарқындылығы мен жылдамдығы да байланысты.

5. Дұрыс ұйқы

Ұйқының жеткіліксіздігінен иммундық жүйе төмендейді.

6. Жаман әдеттерден бас тарту

Темекі шегу және алкогольдік ішімдіктерге тәуелділік адам ағзасына жоғары уытты жүктеме тудырады. Соның кесірінен иммундық жүйенің жұмысы бұзылады.

7. Стресстен аулақ болыңыз

Адам стреске түскенде, иммундық жүйе өте баяу жұмыс істейді.

8. Жұқпалы ауруларды емдеу

Инфекциялық ауруларды (тұмау, ЖРВИ) емдеуді соңғы кезеңінде «өздігінен кетеді» деп емделмей қою иммундық жүйенің аурумен күресіп, әлсіреуіне әсер етеді.

9. Созылмалы ауруларды қоздырмаңыз

Дене – біртұтас жүйе, сондықтан бір органның жұмысындағы бұзушылық сөзсіз басқа органдар мен жүйелердің жұмысындағы бұзылуларға әкеледі. Сондықтан әртүрлі созылмалы ауруларды (гастрит, панкреатит, астма) өршуге жол бермей, уақытылы емдеу керек.

10. Халықтық медицинамен абай болыңыз

Иммунитетті нығайтуға арналған көптеген халықтық рецепттер дененің қорғанысын өте қауіпті жолдармен арттыруға кеңес береді. Мәселен, көп мөлшерде сарымсақ немесе лимон жеу. Мұндай әрекеттер асқазан-ішек ауруларын тудыруы мүмкін. Сондықтан дәстүрлі медицинамен өте ұқыпты болу керек.

Деніңіз сау болсын десеңіз, салауатты өмір сүру керек. Ал ауру пайда болған жағдайда дереу дәрігермен кеңесу керек. Егер сіз осы қарапайым ұсыныстарды ұстанатын болсаңыз, онда сіз өзіңіздің иммунитетіңіздің әлсіреуі туралы алаңдамасаңыз да болады.

Қысқа да нұсқа. Жазылыңыз telegram - ға