Икер Касильяс әлемнің үздік қақпашыларын атады
«Реал Мадридтің» және Испания құрамасының бұрынғы қақпашысы Икер Касильяс әлемнің үздік қақпашыларын атады, деп хабарлайды El.kz ақпарат агенттігі.
Бүгінгі таңда ең мықтысы Куртуа, ол қазір жарақат алып қалды. Содан кейін Облак, Тер Штеген және Кепа тұр. Кейбіреулер Кепаның өнерін сынап жатады, бірақ ол шын мәнінде керемет қақпашы. Куртуаның орнын басу оңай емес, - дейді Касильяс La Gazetta dello Sport-қа берген сұхбатында.
Естеріңізге сала кетейік, осы жылдың тамыз айында Куртуа сол жақ тізесін жарақаттап алды. Осыдан кейін «Реал» Кепаны «Челсиден» маусымның соңына дейін жалға алды.
Икер Касильяс - Испанияның бес дүркін чемпионы, Чемпиондар лигасының үш дүркін иегері, 2010 жылғы әлем чемпионатының және 2008 және 2012 жылдардағы Еуропа чемпионаттарының жеңімпазы.
2020 жылдың 4 тамызында испаниялық қақпашы денсаулығына байланысты мансабын аяқтады.
Футболшы мансабында «Реал Мадридте» және «Портуда» өнер көрсеткен.
Қысқа да нұсқа. Жазылыңыз telegram - ға