ІІМ Талғарда тергеу изоляторынан қашып кеткен күдіктіге қатысты мәлімдеме жасады
Фото: Gov.kz
Фото: Gov.kz
23.10.2024 17:20
800
Мәжіліс кулуарында ішкі істер министрінің орынбасары Игорь Лепеха Талғарда тергеу изоляторынан қашып кеткен күдіктіге қатысты сұрақтарға жауап берді, деп хабарлайды El.kz ақпарат агенттігі.
Бұл мәселемен айналысып жатырмыз, күдіктіні іздеп жатырмыз, оны ұстаймыз. Қазір оны іздеу оңай емес. Барлық шара қабылданды. Қызметтік тексеру жүргізудеміз. Барлығы жазаланады. Салғырттық дерегі бойынша іс қозғалды. Кінәлілер жазаға тартылатын болады, - деді Игорь Лепеха Мәжіліс кулуарында.
Бұған дейін Талғарда күдікті тергеу изоляторынан қашып кеткені белгілі болды. 26 жастағы ер адам жиенін зорлады деген күдікке ілініп, сол үшін ұсталған.
Бөлісу:
Қысқа да нұсқа. Жазылыңыз telegram - ға