Головкин өзіне сенім артқаны үшін мемлекет басшысына алғыс айтты
Президент Қасым-Жомарт Тоқаевтың қабылдауында болған Ұлттық олимпиада комитетінің жаңа президенті Геннадий Головкин мемлекет басшысына қолдау көрсеткені үшін алғыс айтты, деп хабарлайды El.kz ақпарат агенттігі.
Боксшы Instagram-дағы парақшасында жазба жариялады.
Ең алдымен маған сенім артып, қолдау көрсеткен мемлекет басшысына алғыс айтамын. Бүгінгі кездесу барысында ҰОК қызметіндегі маңызды сәттерді, атап айтар болсақ, жаңа олимпиадалық циклге қатысты мәселелерді талқыладық. Ұлттық олимпиадалық комитет алдында тұрған барлық міндетті жақсы түсінеміз, өзіндік көзқарасымыз, жүзеге асыратын жоспарларымыз бар. Өзімнің және командамның атынан еліміздің әлемдік аренадағы беделін нығайтып, халықаралық спорттық ұйымдармен ара-қатынасты жақсартып, президент сенімін ақтау үшін бар күшімізді салатынымызды айтқым келеді, - деді Геннадий Головкин.
Посмотреть эту публикацию в Instagram
Қысқа да нұсқа. Жазылыңыз telegram - ға