Геннадий Головкиннің қанатты сөздері

8 сәуір күні WBA (Super), IBO, WBC (Interim) және IBF нұсқалары бойынша орта салмақтағы әлем чемпионы қазақстандық Геннадий Головкиннің (34-0, 31 КО) туған күні. Атақты чемпионымыз 34 жасқа толғалы отыр. Оның алаңдағы жеңістері Қазақстан халқына мақтаныш сезімін сыйлайды, ал кішігірім балалар атақты боксшыға еліктеп, спортпен шұғылданып бастайды. Осыған орай, әлем чемпионының БАҚ-дарына берген сұхбаттарынан алынған қанатты сөздерін оқи отырыңыз.

• Мен боксты таңдаған жоқпын, бокс мені таңдады.

• Шаршы алаңнан басқа жерде мен қарапайым жігітпін.

• Алғашқы жекпе-жегімде мен жеңіліп қалдым. Ол жеңіліс менің рухымды басқан жоқ. Керісінше осыдан кейін тынбай жаттығу жасай бастадым.

• Жастық шағымда көп төбелестім. Көшедегі әр төбелесте өзіңнің мықты екеніңді дәлелдеу керек болатын.

• Мен қарапайым шахтердің отбасынан шықтым. Дегенмен, әке-шешемді, туған қалам — Қарағандыны мақтан тұтам.

• Мен әкем үшін жұдырықтасамын. Әр жекпе-жегімді сол кісіге арнаймын.

• Талант — адамның соры. Талантты адам белгілі бір деңгейден ары аса алмайды. Өмірде еңбекқор әрі төзімді адам көп жетістікке жетеді.

• Мені «қорғанысқа көңіл бөлмейді» деп ойласаңыз — қателесесіз. Бұл қарсыластың мысын басу үшін жасалатын тактика.

• Маған ерекше әсер қалдырған адам — жұбайым.

• Кез-келген қарсыласты жеңуге болады.    

Алмас САУДАНБАЙ

Қысқа да нұсқа. Жазылыңыз telegram - ға