Петропавлда РФ азаматтарын госпитальге орналастырылуы туралы ақпарат жалған
Солтүстік Қазақстан облысының әкімдігі бұл ақпаратты жоққа шығарды
Петропавлда РФ азаматтарын госпитальге орналастыруда деген ақпарат жалған, деп хабарлайды El.kz порталы stopfake.kz-ке сілтеме жасап.
Әлеуметтік желілерде және мессенджерлерде Петропавлда Ресей Федерациясынан келген адамдарды COVID-19 жұқтырғандарға арналған госпитальге орналастырып жатқандығы туралы ақпарат тарады. Бұл шындыққа жанаспайды.
Солтүстік Қазақстан облысының әкімдігі бұл ақпаратты жоққа шығарды.
– Бұл фейк, – деп хабарлады ведомствоның баспасөз қызметі.
ҚР Ақпарат және қоғамдық даму министрлігі де бұл хабарлама жалған деп мәлімдеді.
– Әлеуметтік желілерде тараған ақпарат шындыққа сәйкес келмейді. Бұл мәселе СҚО әкімдігінің денсаулық сақтау басқармасының бақылауында, – делінген министрліктің хабарламасында.
Баршаңызды әлеуметтік желілер мен мессенджерлердегі арандатушылық хабарламаларға сенбеуге шақырамыз.
Қысқа да нұсқа. Жазылыңыз telegram - ға