Фериха

Фериха – қазақ көрермендерін шытырман оқиғаларымен қызықтыра білген, әлемнің араб, болгар, тәжік, украин тілдеріне аударылған түріктің танымал телехикаясы.

Кедей отбасынан шыққан Фериха есімді қыздың бай ортаға тап болған шақта «өтірік, жалған» сөйлеуіне не әсер еткенін, оның басынан өткерген қиын да қызықты кездерін шебер сипаттай білген телесериалдардың бірі. Негізгі рөлдердің бірін сомдайтын Вахиде Гердумның (Фериханың анасы Зехраның рөліндегі актриса) қатты сырқаттануына байланысты телехикаяның екінші бөлімінің түсірілімі жалғасын таппай, түсірілімді аяқтау туралы шешім қабылданған. Қазақ тіліндегі дубляж режиссері -  Сәуле Кудерина. Басты рөлдегі Фериха мен тағы бірнеше актрисаның даусын сомдаушы Ақмарал Абдрахманова. Жанры – мелодрама, хронометражы – 60 минут. Қазақ тілінде «Фериха» деп аударылған фильмнің толық атауы «Есімін Фериха деп қойдым» (Adini Feriha koydum) деп аударылады.

Осы телехикаядағы басты рөлді сомдайтын кейіпкерлер Хазал Кая (Фериха) мен Чағатай Ұлысойдың (Әмір) қысқаша өмірбаянымен таныс болыңыз.   

Чағатай Ұлысой  (Cagatay Ulusoy) -  «Фериха» телехикаясындағы басты кейіпкер Әмірдің рөлін сомдап, талай қыздың жүрегін жаулаған Чағатай Ұлысой Түркияның, Стамбұл қаласында 1990 жылы дүниеге келген. Бойы – 190 м. Қаны аралас: анасы – босниялық, ал әкесі – түрік. Отбасымен бірге Болгариядан Түркияға қоныс аударған Чағатай актер әрі модель ретінде елге танылған. Ислам дінін ұстанады. Жұлдызнамасы – бикеш.  Стамбұл университетінің орман шаруашылығы факультетін оқумен  қатар Айля Алгандан (атақты театр және кино актрисасы, әнші) актерлік шеберлік сабақтарын алады.

2010 жылы «Түркия моделі» атағын жеңіп алған.

Алғаш рет екі кезеңнен тұратын «Фериха» телесериалына түскен соң ел арасында танымалдылыққа ие бола бастады.  2011 жылы «Анадолы қырандары» атты фильмде Ахмет Онур рөлін аса шеберлікпен орындап шығады.

Хазал Кая (Hazal Kaya) – 1990 жылы 1 қазанда Түркияның Газиантепе қаласында дүниеге келген атақты актриса. Өнерге деген құлшынысы кішкентай кезінен басталған. Хазал балетке, скрипка мен би сабақтарына қатысқан. Бұл өнер түрлерін жақсы меңгергенімен, оның қалауы сахнаға шығу болатын. Стамбұл қаласындағы арнайы итальяндық мектепте білім алған. Чағатай Ұлысой іспеттес ол да Айла Алганның мектебіне жазылып, білім алады.

Кая алғаш рет 2006 жылы 16 жасында «Сыла. Шаңыраққа оралу» телехикаясына кіші-гірім рөлге түсуге шақырту алған. Одан соң «Acemi» және «Genco» телесериалдарына түседі, алайда бұл рөлдері оған айтарлықтай мәртебе әкелмейді. Тек, Хилаль Сарал атты атақты режиссер әйелдің «Тыйым салынған махаббат» телехикаясында Нихаль Зияглидің рөлін сомдаған соң ғана Түркияның ең танымал актрисаларының біріне айналады. Ол 2011 жылдың өзінде-ақ 1 телехикая мен 3 көркем фильмге түсіп үлгереді. «Марал», «Менің қарсылығым бар», «Балқандағы соңғы жаз», «Фериха», «Генджо», «Махаббат» т.б фильмдер мен телехикаяларда ойнаған. 

Дайындаған: Нұрланбеков Мұрагер

Суреттер Google-ден алынды

Қысқа да нұсқа. Жазылыңыз telegram - ға