Еуро-2024: Англия құрамасы финалға шықты
![Еуро-2024: Англия құрамасы финалға шықты Еуро-2024: Англия құрамасы финалға шықты](/storage/storage/element/2024/07/11/mainphoto/111927/1200xauto_HtQ3cagH7mkUSTmYFN7JraFRl1p8qNAlS2yvtU41.jpg)
Еуропа чемпионатының жартылай финалында Англия мен Нидерланд құрамалары кездесті, деп хабарлайды El.kz ақпарат агенттігі.
Есепті ойынның жетінші минутында нидерландтық жартылай қорғаушы Хави Симонс ашты. Ал 18-минутта ағылшын шабуылшысы Гарри Кейн пенальтиде мүлт кетпей, таразы басын теңестірді.
Ойын тең дәрежеде өрбіп жатқан. Қос құрама да өткір шабуылдар ұйымдастыра білді. Тіпті 79-минутта Букайо Сака ағылшындарды есепте алға шығарған. Алайда төреші араға уақыт салып бұл голды есепке алай қойды. Өйткені Кайл Уолкер офсайдта қалып кеткен екен. Дегенмен Англия дегеніне жетті. 90-минутта Олли Уоткинстің шірене тепкен добы Нидерланд қақпасынан табылды.
Енді Англия финалда Испаниямен кездеседі.
Еуро-2024 финалы 15 шілдеге ауған түні өтеді.
![Telegram](https://el.kz/static/site/images/tel26.png)