Еревандағы әлем чемпионатының финалында төрт боксшымыз финалға шықты
Фото: iba.sport
Фото: iba.sport
02.12.2023 23:48
1215
Арменияның Ереван қаласында бокстан жасөспірімдер арасында әлем чемпионатының жартылай финалдық айқасы өтті. Елімізден барған боксшылардан төрт спортшы финалға шықты, деп хабарлайды El.kz ақпарат агенттігі Egemen.kz-ке сілтеме жасап.
Қыздар арасындағы жекпе-жекте 54 келіде Аяжан Сыдық Польша боксшысы Зузанна Голебевсканы жеңді. Енді әлем біріншілігінің алтын медалі үшін үндістандық Амиша Керкеттаға қарсы айқасады. 60 келі салмақта Толғанай Қасымхан ресейлік Кира Леновамен жекпе-жекке түседі. 66 келі салмақта Айсұлу Мұхит румын Амалия Тогумен жұдырықтасады.
Ерлер арасындағы сында Нұрасыл Төлебек қана финалға өтті. 54 келі салмақта Нұрасыл Үндістан боксшысы Джатинге қарсы айқасады.
Бөлісу:
Қысқа да нұсқа. Жазылыңыз telegram - ға