Ер адам вокзал полициясына сөмкесіндегі бомба туралы хабарлады

Маңғыстау облысында ер адам теміржол вокзалының полиция бөлмесіне келіп, сөмкесіндегі бомба туралы айтқан, деп хабарлайды El.kz Polisia.kz сайтына сілтеме жасап.

26 тамызда сағат 10:20 шамасында Маңғыстау станциясындағы желілік полиция бөлімінің кезекші бөліміне Маңғыстау станциясының ТЖ вокзалының полиция бөлмесіне белгісіз азамат келіп, сөмкесінде жарылғыш құрылғы бар екендігі туралы хабарлама келіп түсті. Аталған дерек бойынша Атырау облысының 49 жастағы тұрғыны ұсталды. 

Оқиға орнына желілік полиция бөлімінің басшылығы, кезекші прокурорлар шықты. Аумақты қоршау үшін полицияның жеке құрамы жұмылдырылды. Теміржол вокзалы ғимаратынан 37 адам эвакуацияланды, теміржол вокзалының аумағы қоршалды, сондай-ақ полиция қызметкерлері автожолдарды уақытша жауып тастады. 

Аумақты тексеру барысында, сондай-ақ сөмкеден жарылғыш заттар табылған жоқ. Аталған факті бойынша ҚР ҚК-нің 273-бабы (Терроризм актісі туралы көрінеу жалған хабарлау) бойынша сотқа дейінгі тергеу жүргізілуде.

Қысқа да нұсқа. Жазылыңыз telegram - ға