Ер адам әйелін аралардан құтқарамын деп көз жұмды

Ер адам әйелін аралардан құтқарамын деп көз жұмды

04.07.2025 13:09

Фото: ©Pixabay.com

Үндістанның Мадхья-Прадеш штатында ер адам әйелін аралардың шабуылынан құтқарамын деп қайтыс болды. Бұл туралы Times of India басылымына сілтеме жасай отырып El.kz интернет порталы хабарлайды.

Оқиға Шахдол аймағындағы Кхандари ауылы маңындағы орманда болған. 55 жастағы Самай Лал мен әйелі Сиявати мал бағып жүрген. Кенеттен Сияватиді аралардың илеуі қоршап алған. Мұны алыстан байқаған Самай Лал бірден көмекке ұмтылған.

Жүгіріп келіп, ол әйелін аралардан қорғауға тырысып, оның үстіне шарф жапқан. Алайда осыдан соң жәндіктер ер адамның өзіне тап беріп, ол аралардың уынан қайтыс болды.