Жаңалықтар

Елордада жолаушылар автобусынан өрт шықты

Бұл туралы Төтенше жағдайлар министрлігі мәлімдеді

Фото: inform.kz

Фото: inform.kz 27.07.2022 18:25 1414

Төтенше жағдайлар министрлігі елордада көше ортасында өрт шыққан автобусқа қатысты мәлімет берді, – деп хабарлайды El.kz.

–27 шілде күні сағат 14.45-те өрт сөндіру бөлімшелері Керей-Жәнібек хандар көшесі мен Түркістан көшесінде жанып жатқан автобус туралы түскен хабарлама бойынша шақыртуға шықты.

Оқиға орнына жеткен бойда маршруттық автобустың қозғалтқыш бөлігі жанып жатқаны анықталды.

Өрт 14.58-де сөндірілді. Қаза болғандар мен зардап шеккендер жоқ. Өртті сөндіруге Нұр-Сұлтан қалалық Төтенше жағдайлар департаментінің жеке құрамынан 5 адам мен 1 техника жұмылдырылды, – делінген ұсынылған хабарламада.

Бөлісу: