Елордада Қазақстан мәслихаттарының 30 жылдығы қалай атап өтіледі
Биыл Қазақстан мәслихаттары өзінің 30 жылдығын атап өтуде. Мерейтойлық датаға орай Астанада бірқатар іс-шара жоспарланып отыр. Бұл туралы елорда әкімдігінің баспасөз қызметіне сілтеме жасай отырып El.kz ақпарат агенттігі хабарлайды.
1994 жылғы 7 наурызда Қазақстанда алғаш рет жергілікті өкілді органдарға сайлау өтті және барлық жерде мәслихаттар – депутаттар жиналыстары құрылды. 1994 жылы 25 наурызда Ақмола қалалық мәслихатының бірінші сессиясы өтті.
Елордада мерейтойлық датаға арналған іс-шаралар, оның ішінде спорттық іс-шаралар, барлық шақырылымдағы депутаттардың қатысуымен ғылыми-практикалық конференция өткізу, аллея салу және т.б. жоспарланған.
Мәселен, 7-8 қазанда «Sairan Arena» спорт кешенінде мемлекеттік қызметшілер арасында шағын футболдан турнир өтті.
11 және 12 қазанда «Қазанат» ипподромында ат спорты мерекесі (көкпармен мен бәйгеден турнир) өтеді.
13 қазанда «Qazaqstan» Жастар сарайында ЖОО студенттері арасында спартакиада өтеді.
16 қазан сағат 9.00-ден 12.00-ге дейін ЕҰУ бас ғимаратында. Л.Н. Гумилевтің «Күшті мәслихаттар – жергілікті мемлекеттік басқару және өзін-өзі басқарудың негізгі институты» атты ғылыми-практикалық конференциясы өтеді. Сол күні Мәңгілік Ел даңғылы, 36 мекенжайындағы саябақта ағаш отырғызу арқылы «Астана қаласы мәслихатының 30 жылдығы» Аллеясы салтанатты түрде ашылады.
17 қазан күні сағат 12:00-де Қосшығұлұлы көшесінде жаңа кітапхана ашылып, «Үздік кітапханашы» байқауының қорытындысы шығарылады, ал 19-20 қазанда «Sana Sport» кешенінде волейболдан жарыс өтеді.
21 қазан күні сағат 16.00-де тұрғын үй және тұрғын үй инспекциясы басқармасының акт залында (Республика даңғылы, 32) «Үздік Үй», «Үздік МИБ»,«Үздік сантехник» конкурстарының қорытындысы жарияланады.
Қысқа да нұсқа. Жазылыңыз telegram - ға