Елордада Амман көшесінің учаскесі жөндеу жұмысына байланысты жабылады

Елордада Амман көшесінің учаскесі жөндеу жұмысына байланысты жабылады

12.07.2025 22:38

Фото: Астана қаласы әкімдігі

Астана қаласының Көлік және жол-көлік инфрақұрылымын дамыту басқармасы Амман көшесінің Ж.Ташенов көшесінен Шарль де Голь көшесіне дейін жол төсемінің үстіңгі қабатын салу жұмысын жүргізеді, деп хабарлайды El.kz интернет порталы.

Елорда әкімдігінің мәліметінше, осыған байланысты 12-16 шілде аралығында көрсетілген учаскеде қозғалыс ішінара жабылатын болады. Осы уақытта көлік қозғалысы екі бағытта бір жағынан кезең-кезеңімен ұйымдастырылады.

Жүргізушілер мен жаяу жүргіншілер қозғалыс бағытын алдын ала жоспарлауы және қозғалысты ұйымдастырудағы ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады, - делінген мәліметте.