Еліміздегі орташа зейнетақы мөлшері аталды
![Еліміздегі орташа зейнетақы мөлшері аталды Еліміздегі орташа зейнетақы мөлшері аталды](/storage/storage/element/2024/07/18/mainphoto/112950/1200xauto_MDE934g0k1iCkYAg5nSZTynZAldDmlBerT2KMAze.jpg)
Еңбек және халықты әлеуметтік қорғау министрлігі Қазақстандағы зейнетақының орташа мөлшерін жариялады, деп хабарлайды El.kz ақпарат агенттігі.
Жыл басынан бері республикалық бюджеттен 1 триллион 861,7 миллиард теңге сомасына зейнетақы төленді.
Оның ішінде базалық зейнетақы төлеуге – 585,9 миллиард теңге, ынтымақты зейнетақы төлеуге – 1 триллион 275,8 миллиард теңге қарастырылған, - делінген хабарламада.
2024 жылғы 1 шілдедегі жағдай бойынша, жиынтық зейнетақының орташа мөлшері 132 110 теңге болды, оның ішінде ынтымақты зейнетақы мөлшері – 89 479 теңге, базалық зейнетақы – 42 631 теңге.
Ведомство зейнетақы 2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске салды.
![Telegram](https://el.kz/static/site/images/tel26.png)