Елімізде ЖИ көмегімен мыңға жуық қылмыскер қолға түсті
Қызылордада жасанды интеллект қолданылатын жобалар қылмыспен күресте нақты нәтиже беріп отыр. Облыстық прокуратура хабарлауынша, «IT TERGEU» және «Смарт білезік» бағдарламаларының арқасында қайта қылмыс жасау деңгейі 60%-ға, жалпы қылмыстылық 6%-ға төмендеген, ал қылмысты ашу көрсеткіші 3%-ға артқан, деп хабарлайды El.kz интернет порталы.
«IT TERGEU» жобасы тергеу процесінде жасанды интеллекттің мүмкіндіктерін пайдаланып, қылмыстарды жылдам анықтауға бағытталған. 2024-2025 жылдар аралығында осы жүйе арқылы 832 қылмыскер қолға түскен, іздеуде жүрген 33 адам табылған, 595 жоғалған адамның орны анықталған. Сонымен қатар 170 жасөспірім ата-анасына қайтарылған.
«Смарт білезік» жобасы пробациядағы азаматтарды электронды бақылау арқылы қайта қылмысқа баруын азайтуға мүмкіндік береді. Жоба іске қосылғаннан бері есепте тұрғандардың қайта құқық бұзу көрсеткіші 39%-ға төмендеген.
Осылайша, Қызылордадағы цифрлық жүйелер қылмысты алдын алуға және қоғамдық қауіпсіздікті арттыруға нақты үлес қосып отыр.
Бұған дейін ЖИ-дің отандық медицина мамандарына да көмегін тигізіп жатқанын хабарлаған едік.
Қысқа да нұсқа. Жазылыңыз telegram - ға
Оқи отырыңыз 
