Елімізде әйелдердің жұмыс уақытын қысқарту ұсынылды
Мәжіліс депутаты Қарақат Әбден осындай ұсыныспен премьер-министр Олжас Бектеновке әйелдер үшін қысқартылған жұмыс күнін енгізу, бала күтімі бойынша ақылы демалысты екі жылға дейін ұзарту секілді ұсыныстар айтты, деп хабарлайды El.kz ақпарат агенттігі.
Оның сөзінше, соңғы жарты жылда аудан әкімдері орнындағы әйелдер саны 8 пайызға артып, әйелдердің басшылық қызметке өтуге белсене кіріскені байқалды. Атқарылған шараларға қарамастан, бұл шаралардың нәтижесі сандық көрсеткіш деңгейінде қалып отыр және жүйелі өзгерістер қажет.
Мен ақылы декреттік демалысты екі жылға дейін ұзартуды, сондай-ақ Скандинавия елдерінің тәжірибесіне назар аудара отырып, әйелдер үшін қысқартылған жұмыс күнін енгізуді қарастыруды ұсынамын, - деді депутат.
Оның пікірінше, бұл отбасы институтын нығайтуға ықпал етеді, жұмыс істейтін әйелдер бала тәрбиесіне көбірек көңіл бөле алады.
Қысқа да нұсқа. Жазылыңыз telegram - ға