Қазақстанда КВИ жұқтырудың 1 307 517 дерегі анықталды
COVID-19 таралуына жол бермеу жөніндегі ведомствоаралық комиссия хабарлады
Еліміз бойынша КВИ жұқтырудың 1 307 517 дерегі анықталды. Оның ішінде 13,5% 14 жасқа дейінгі балалар арасында тіркелді, — деп хабарлайды El.kz.
COVID-19 таралуына жол бермеу жөніндегі ведомствоаралық комиссияның мәліметінше, э пидемиологиялық зерттеулер балалардың ауру жұқтыру көзі отбасылық қарым-қатынас, яғни коронавирусқа қарсы егілмеген, иммунитет қалыптаспаған ересек адамдар екенін көрсеткен.
— Сондықтан отбасында медициналық қарсы көрсетілімдері жоқ, иммундауға жататын ересек адамдардың вирусқа қарсы екпе алып, қорғанысты күшейтуі балалар арасындағы аурушаңдықтың алдын алуда маңызды. Коронавирустық инфекцияның соңғы жаңа «омикрон» вариантының «стелс» түрі әлемде 2021 жылғы желтоқсан айынан бастап айналымда. Ағымдағы жылғы маусым айында өткізілген ПТР скрининг барысында республика бойынша тексерілген үлгілердің 78% «стелс-омикрон» екені анықталды, — деп жазды комиссия.
Қысқа да нұсқа. Жазылыңыз telegram - ға