Елена Рыбакина мен Юлия Путинцеваның олимпиададағы қарсыластары анықталды
![Елена Рыбакина мен Юлия Путинцеваның олимпиададағы қарсыластары анықталды Елена Рыбакина мен Юлия Путинцеваның олимпиададағы қарсыластары анықталды](/storage/storage/element/2024/07/25/mainphoto/114000/1200xauto_7uT0wCiPHwl5COOa3hgOYDEXYZF7iYEtSAOXOrms.jpg)
Бүгін Париж Олимпиадасында теннистен жекелей сынның жеребе тарту рәсімі өтіп жатыр, деп хабарлайды El.kz ақпарат агенттігі.
Спортты дамыту дирекциясының мәліметінше, ұлттық құрама көшбасшысы, әлемнің 4-ракеткасы Елена Рыбакина Париждегі доданың 3-номерлі теннисшісі ретінде тіркелді. Ол алғашқы матчта Жаклин Кристианмен (Румыния) кездеседі. Румын атлеті әлем рейтингінде 61-орында тұр. Елена мен Жаклин осыған дейін 2 рет ойнаған. Әзірге таразы басы тең (1-1).
Рыбакинаның 2-кезеңдегі қарсыласы Наоми Осака (Жапония) немесе Анжелика Кербер (Германия) болмақ.
Ал Юлия Путинцева (әлемнің 30-ракеткасы) алғашқы кезеңде украиналық Марта Костюкпен кім мықтыны анықтайды. Бұл екі теннисші арасындағы алғашқы матч болады.
Еске сала кетейік, Токио Олимпиадасында Рыбакина жекелей сында қола медаль үшін ойында жеңіліп, 4-орында қалған.
Жекелей сынның толық жеребесі мынадай:
![Telegram](https://el.kz/static/site/images/tel26.png)