Елде коронавирустың жаңа штамы анықталды
Қарашада қазан айымен салыстырғанда сырқаттанғандар 1,6 есе өскен
Фото: elements.envato.com
Фото: elements.envato.com
01.12.2022 13:14
1725
Соңғы секвенирлеу қорытындысы бойынша елде Омикрон BQ.1.1 (Цербер) штаммы нұсқасының 0,5% айналымы анықталды. Қалған 99,5% – омикрон штаммының басқа нұсқалары, деп хабарлайды El.kz ақпараттық агенттігі.
Бұл жөнінде премьер-министрдің орынбасары Серік Жұманғариннің төрағалығымен өткен коронавирустық инфекцияның таралуына жол бермеу жөніндегі ведомствоаралық комиссияның отырысында мәлім болды.
Мәлім болғандай, қарашада қазан айымен салыстырғанда сырқаттанғандар 1,6 есе өскен.
Денсаулық сақтау вице-министрі Айжан Есмағамбетова атап өткендей, коронавирусқа тестілеу саны азайды, себебі ауру жеңілдей бастады, көбі медициналық көмекке жүгінбейді.
Барлық өңірлерде инфекцияның репродуктивтілік көрсеткіші бірден артық, бұл вирустың халық арасында белсенді айналымы мен таралуының белгісі.
Өңірлер бөлінісінде соңғы айда еліміздің үш өңірінде – Алматы, Астана және Қарағанды облысында аурушаңдықтың апта сайын 2,2 есеге дейін өсуі байқалады.
Сондай-ақ 5 өңірде (Ақмола, Атырау, Жамбыл, Ұлытау облыстары, Шымкент қ.) соңғы аптадан бастап сырқаттанушылық аптасына 3,5 есеге дейін біртіндеп өсіп келеді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Футболдан ӘЧ: Бүгінгі ойын кестесі жарияланды