Экономикамызды әртараптандыруды жүзеге асыру керек – депутат

Мемлекет басшысы Қасым-Жомарт Тоқаевтың Қазақстан халқына жолдауы жөнінде Мәжіліс депутаты Нұрлан Әуесбаев пікір білдірді, деп хабарлайды  El.kz ақпарат агенттігі. 

Мәжілісменнің сөзінше, еліміздегі соңғы жағдайлардан кейін экономикамызды әртараптандыруды жүзеге асыру керек.

Мемлекет басшысының Қазақстан халқына жолдауында еліміздің экономикасын өркендетуге және түрлі өзекті мәселелерді шешу үшін бірқатар бастама қолға алынды. Мәселен, президент экология, ауыл шаруашылығы салаларындағы, химия өнеркәсібі саласындағы және экономиканың түрлі салаларындағы мәселелерге тоқталды. Енді сөз күйінде қалмай, оларды іс жүзінде жүзеге асыру маңызды. Сол үшін алда үлкен өзгерістер мен бастамалар болатынына сенеміз, - деді Әуесбаев.

Мәжіліс кулуарында БАҚ өкілі депутаттан «осы жолдаудан кейін оның жүзеге асуына қандай кепілдік бар?» деп сұрады.

Кепілдік бар, әрине. Көп жағдайда экономикалық реформалар қарастырылып жатыр. Салық кодексі жөнінен реформаларды да ұйымдастырды. Ендігі таңда айтылған мәселелерді жүзеге асыруға толық мүмкіндік болады, - деді депутат.

Қысқа да нұсқа. Жазылыңыз telegram - ға