«Экологиялық білім берудің үздік ұйымы» ұлттық байқауының қорытындысы шықты
«Экологиялық білім берудің үздік ұйымы» ұлттық байқауының қорытындысы шығарылды, деп хабарлайды El.kz ақпарат агенттігі.
Бұл конкурсты жыл сайын Қазақстан Республикасы Экология және табиғи ресурстар министрлігі әкімдіктермен бірлесіп Экологиялық мәдениетті дамытудың 2024-2029 жылдарға арналған «Таза Қазақстан» тұжырымдамасын іске асыру шеңберінде өткізеді.
Конкурстың мақсаты – Қазақстан Республикасының Білім беру ұйымдары арасында эко-бағдарланған қызметте және орнықты дамуда бастаманы қалыптастыру, - делінген министрлік мәліметінде.
Бекітілген ережеге сәйкес конкурс екі номинация бойынша аймақтық және ұлттық кезеңдерде өткізілді:
1) «Табиғатқа жанашыр ұйым» номинациясы;
2) «Экологиялық сауат және ақпараттандыру» номинациясы.
«Табиғатқа жанашыр ұйым» номинациясы бойынша:
Бірінші орын – Қарағанды облысы Білім басқармасының Теміртау қаласы білім бөлімінің «№ 16 жалпы білім беретін мектебі» КММ;
Екінші орын – Батыс Қазақстан облысы әкімдігі Білім басқармасының Бөрлі ауданы бөлімінің «Ақсай қаласының № 3 жалпы орта білім беретін мектебі» КММ;
Үшінші орын – Қызылорда облысының Білім басқармасының Қызылорда қаласы бойынша білім беру бөлімінің «Сыр-бөбегі» бөбекжай бақшасы КМҚК.
«Экологиялық сауат және ақпараттандыру» номинациясы бойынша:
Бірінші орын – Қостанай облысы әкімдігі Білім басқармасының «Қостанай қаласы білім бөлімінің № 7 жалпы білім беретін мектебі» КММ;
Екінші орын – Жамбыл облысы Шу ауданы әкімдігінің Білім басқармасының «Жібек жолы мектеп лицейі» КММ;
Үшінші орын – Шымкент қаласы Білім басқармасының «Экология, өлкетану және туризм орталығы» КММ.
Қысқа да нұсқа. Жазылыңыз telegram - ға