Дизайн-кодқа сәйкес келмейді: Астанада 2700-ге жуық баннер мен жарнама бөлшектелді
Астанада қаланың сырт келбетін дизайн-кодқа сәйкестендіру бойынша белсенді жұмыс жалғасып жатыр, деп хабарлайды El.kz ақпарат агенттігі.
Қалалық әкімдіктің баспасөз қызметінің мәліметінше, тұрақты негізде елорданың барлық бес ауданында кәсіпкерлермен түсіндіру жұмысы жүргізілуде.
Астанада жыл басынан бері 2700-ге жуық баннер, жарнамалық маңдайшалар, оның ішінде дизайн-кодқа сәйкес келмейтін дөңгелектердегі жарнамалар бөлшектелді.
Бес аудан әкімдігінің қызметкерлері заңсыз және сәйкес келмейтін жарнаманың дизайн-кодын түсіндіру және бөлшектеу бойынша көшпелі іс-шаралар өткізеді. Кәсіпкерлермен сұхбат жүргізіледі, дизайн-кодқа сәйкес келмейтін маңдайшаларды ауыстыру қажеттілігі туралы буклеттер беріледі.
Айта кетейік, 2023 жылдың сәуір айында Астананы дамыту мәселелері жөніндегі кеңесте Президент Қасым-Жомарт Тоқаев көше жарнамасын орналастыруға қойылатын талаптардың сақталуын бақылауды күшейтуді тапсырған болатын.
Жауапты міндет «Астана-Жарнама» коммуналдық мемлекеттік мекемесіне жүктелген.
Осылайша, маңдайшаларды ғимараттардың немесе құрылыстардың қасбеттеріне орналастыру тұжырымдамасы бар. Онда бизнес өкілдеріне елорданың архитектуралық келбетін бір стильде жүзеге асырудың үлгісі көрсетілген.
Айта кету керек, елордада кәсіпкерлерге мемлекет тарапынан жан-жақты қолдау көрсетіледі. Нақтырақ тоқталар болсақ: жаңа бизнес-идеяларды іске асыруға мемлекеттік гранттар беру, кредиттер бойынша сыйақы мөлшерлемелерін субсидиялау, кредиттерге ішінара кепілдік беру, жетіспейтін инфрақұрылымды жүргізу және т.б.
Қысқа да нұсқа. Жазылыңыз telegram - ға