Жаңалықтар

Діни кітаптарды заңсыз сатқан шымкенттікке айыппұл салынды

Ол діни мазмұндағы кітаптарды заңсыз сатып жүргені анықталды

Фото: polisia.kz

Фото: polisia.kz 24.11.2022 16:06 797

Шымкент қаласы Полиция департаментінің қызметкерлері экстремизмге қарсы іс-қимыл бағытында қарқынды жұмыстар атқаруда, деп хабарлайды El.kz ақпараттық агенттігі.

Атап айтсақ, осы жылдың қараша айында Экстремизмге қарсы іс-қимыл басқармасының қызметкерлерімен жедел іздестіру шараларын жүргізу барысында жергілікті жердің 40 жастағы тұрғыны ұсталды.

Ол діни мазмұндағы кітаптарды заңсыз сатып жүргені анықталды.

Аталған азамат ҚР ӘҚБтК-нің 490-бабы 3-тармағы (Қазақстан Республикасының діни қызмет және діни бірлестіктер туралы заңнамасын бұзу) бойынша әкімшілік жауапкершілікке тартылды.

Мамандандырылған әкімшілік сотымен жергілікті тұрғынға 50 АЕК мөлшерінде, яғни 153150 теңге көлемінде айыппұл салынды.

Бөлісу: