Динара Сәдуақасова рапидтен әлем чемпионатында күміс жүлдегер атанды
Алматыда шахматтан әлем чемпионаты өтіп жатыр
Динара Сәдуақасова әйелдер арасында жылдам шахматтан (рапид) 2022 жылғы вице-чемпионы атағын жеңіп алды, деп хабарлайды El.kz ақпарат агенттігі.
Турнир үш күн бойы – 26-28 желтоқсан аралығында Алматыда өтті.
Қазақстандық шахматшы тай-брейкте қытайлық Тань Чжуньиден жеңіліп қалды. Сонымен қатар, шахматшылар алғашқы партияны тең аяқтады. Ал екінші жеңісті қытайлық шахматшыға бұйырды.
Динара 11 турдың қорытындысы бойынша екі шахматшы да 8,5 ұпай жинады.
Алматыда өткен әлем чемпионатына Қытай, Үндістан, Ресей және т.б. шахматтан дәстүрлі мықты елдердің атынан шыққан әлемнің үздік спортшылары қатысты.
Рапид – ойлаудың уақыты шектеулі ойын түрі. Алматыдағы турнирлік қашықтық 11 турдан тұрды. Берілген уақыт - бүкіл ойын үшін әрбір қатысушыға 15 минут + 10 секунд.
Турнир барысында қазақстандық қазіргі кездегі әлемнің ең мықты шахматшыларының бірі ресейлік Александра Горячкинаны жеңді.
Турнирлік қашықтықты бағындырған Қазақстан спортшысы қытайлық Тань Чжунъимен бірдей ұпай жинады - 11 мүмкін ұпайдың 8,5-і. Ұпай саны бірдей болған қыздар чемпионаттың 1-ші және 2-ші орындарын өзара бөлуге мәжбүр болды. Мұндай жағдайларда әрқашан тай-брейк ойналады. Бірінші ойында тең түсіп, екінші ойында қазақстандық жеңіліп қалды. Айта кетейік, тай-брейкке дейін Тань Чжунъи допинг-тест тапсырудан бас тартқан болатын. Ойындарды ертерек аяқтаған Динара процедурадан өтті.
Қазақстандық ең беделді халықаралық гроссмейстерлердің бірі - украиналық Александр Арещенкомен серіктестікте жұмыс істейді. Ол Динараның дайындығын жақсы деп бағалады.
Сондай-ақ, қазіргі отбасылық жағдайға байланысты Динара Сәдуақасова келесі 29 және 30 желтоқсанда Алматыда өтетін блицтен әлем чемпионатына, сондай-ақ жарыстың ресми жабылуына қатыса алмайтынын ескертеміз. Спортшы қыз әріптестеріне алдағы ойындарда сәттілік тілеп, турнирді ұйымдастырушыларға алғысын білдірді.
Анықтама:
Динара Сәдуақасова әйелдер арасында халықаралық гроссмейстер, халықаралық шебер. Қазақстан құрамасының мүшесі. Оның 14, 17, 18 және 20 жасқа дейінгі қыздар арасында әлем чемпионы, әйелдер арасында Азия чемпионы атағы бар. 2020 жылы спортшы әлемнің ең мықты 10 шахматшысының қатарына енді, ал 2021 жылы әлем чемпионатында үздік сегіздікке кіріп, ширек финалға шықты.
Қысқа да нұсқа. Жазылыңыз telegram - ға