Демалыс күндері 35 градусқа дейін күн ысиды

«Қазгидромет» РМК 11-13 маусым күндеріне арналған ауа райы болжамын жариялады, деп хабарлайды El.kz

Синоптиктердің мәліметінше, солтүстік-батыс және Оңтүстік циклондарының бірігуі арқасында, республиканың барлық аумағында дерлік ауа райының тұрақсыз сипаты сақталады.

«Жаңбыр жауады, 11-12 маусымда республиканың оңтүстігі мен оңтүстік-шығысының таулы аймақтарында найзағай ойнап, жел күшейеді, бұршақ жаууы мүмкін. Оңтүстік-батыста, оңтүстікте шаңды дауыл күтіледі. Республиканың батысында, солтүстік-батысында ауа температурасы күндіз 22-30-дан 17-26-ға дейін төмендейді, оңтүстік-батысында 25-35-ке дейін жылынады, солтүстігінде 20-28-ден 25-30-ға дейін ауытқиды, шығысында 28-37-ден 24-33-ке дейін төмендейді, орталығында 22-30-дан 27-32-ге дейін көтеріледі, оңтүстігінде 35 жылу болжанады, ал оңтүстік өңірлерінде 25-35-тен 20-30-ға дейін төмендейді», делінген «Қазгидромет» хабарламасында.

Қысқа да нұсқа. Жазылыңыз telegram - ға