Ғылым-білім, өнер туралы

Тегінде адам баласы адам баласынан ақыл, ғылым, ар, мінез деген нәрселермен озады. Одан басқа нәрсемен оздым ғой демектің бәрі де - ақымақшылық.

Абай Құнанбаев

Ғылымды, ақылды сақтайтұғын мінез деген сауыт болады. 

Абай Құнанбаев

Ғылым - алланың бір сипаты.

Абай Құнанбаев

Ғылым таппай мақтанба,

Орын таппай баптанба.

Абай Құнанбаев

Білімдіден шыққан сөз,

Талаптыға болсын кез.

Нұрын, сырын көруге

Көкірегінде болсын көз.

Дүние де өзі, мал да өзі,

Ғылымға көңіл бөлсеңіз.

Абай Құнанбаев

Көкірегі - сезімді, көңілі - ойлыға бәрі анық.

Абай Құнанбаев

Білім - бақтың жібермейтін қазығы,

Білімсіз бақ - әлдекімнің азығы.

Мұхтар Әуезов

Халық пен халықты, адам мен адамды теңестіретін нәрсе - білім.

Мұхтар Әуезов

Таудан биік көңіл бар, теңізден терең ғылым бар, оттан бетер - қайғы-зар.

Сырым Датұлы

Театр - хас сұлудың көз жасындай мөлдір өнер. Қызық емес пе, көзіңе көрінбейтін, қолға ұстауға келмейтін ән өлең ғасырлар бойы ел ойында қорлана беріпті, оята беріпті, сергіте беріпті.

Ғабит Мүсірепов

Шала білім, шалағай мәдениет бір құлатпай қоймайды.

Ғабит Мүсірепов

Данышпандықты танып, білген де - данышпан.

Ғабит Мүсірепов

Үлкен өнердің - үлкен, таза мінезі болуға керек.

Ғабит Мүсірепов

Әдебиет пен өнер ұлы болмаған жерде - ұлт та ұлы бола алмайды.

Ғабит Мүсірепов

Білім - біліммен, мінез - мінезбен.

Білімнен мақсат шықпайды.

Көп оқыса, зейінді болса - білімді болмақ, ал мінезі жақсы бола ма әлде жаман бола ма - мұны құдай біледі.

Әлихан Бөкейханов

Өзіне-өзі қасқырша шауып отырған жұртта оқу-өнер болмайды.

Әлихан Бөкейханов

Ғылымның қандай пайдасы - білместі жолға салмаса.

Асан қайғы

Мылтық - оқудан соңғы өнер.

Ақан сері Қорамсаұлы

Бақыттың белгісі - білім.

Махмұд Қашқари

Ғылымның қандай пайдасы - білместі жолға салмаса.

Асан қайғы 

Көпті көрген ер жігіт - көсем болар төселіп.

Майлықожа Сұлтанқожаұлы

Әлемге толса көкірек - ашылар кезі сананың.

Майлықожа Сұлтанқожаұлы

Шын мәніндегі сұлу поэзияда өнердің басқа салаларының да  элементтері қойындасып  жүреді.

Сағат Әшімбаев

Ойлы әдебиет биік парасаттан, терең білімнен туады.

Сағат Әшімбаев

Өнер туындысы - өмірді түсінудің кілті.

Сағат Әшімбаев

Театр - күрделі интеллектуальдық гармониядан тұратын, үш жақтан бірдей қиыннан қиысқан сахналық өнер.

Сағат Әшімбаев

Бір өнер қылған екі кісіге тар жер - екі өнер қылған екі кісіге кең болады.

Әлихан Бөкейханов

Бұл ғұмыр тойына шақырылған көптің бәрі бірдей өз өнеріне тиісті орын ала бермейді.

Әлихан Бөкейханов

Өнерпаз болсаң - өр бол.

Мұхтар Әуезов

Білім - бақтын жібермейтін қазығы,

Білімсіз бақ - әлдекімнің азығы.

Мұхтар Әуезов

Халық пен халықты, адам мен адамды теңестіретін нәрсе - білім.

Мұхтар Әуезов

Адамшылықты тез жүргізу үшін көп ой керек, ойлау үшін оқу керек

Мұхтар Әуезов

Өз жазғанының өнерсізін өшіре алмаған - өнерімен оқырманын өсіре алмас.

Мұзафар Әлімбаев

Өнер тағына рұқсатсыз отырар болар.

Мұзафар Әлімбаев

Көптен қалмау - көкке самғау емес. Әсіресе, өнерде.

Мұзафар Әлімбаев

Талант - табиғаттан, талап - өзіңнен.

Мұзафар Әлімбаев

Дарынды - дарын таниды.

Шерхан   Мұртаза

Таланттылар - раушан гүлі сияқты жан-жағына жұпар шашып, көңіл ашады.

Шерхан   Мұртаза

Жігітке жеті өнер де аз.

Мақал - мәтел

Білегі мықты бірді жығады, білімі мықты мыңды жығады.

Мақал - мәтел

Өнерлі өрге жүзеді.

Мақал – мәтел

Дереккөзі: «Әдеби әлем» порталы

Қысқа да нұсқа. Жазылыңыз telegram - ға