Адам өмірі туралы

Уақытты таңдамайды - онда өмір сүреді.

                                                                                                      Нұрсұлтан Назарбаев

Адамдарға ақыл-парасат өз өмірін жақсарту үшін берілген.

                                                                                                      Нұрсұлтан Назарбаев

Қазір - ынтымақтасу мен іскерлік кезеңі. Қазір адамдардың өмірін жақсартуға бағытталған шағын қадамдың өзі шалқыған даңғаза ұраншылдық пен үдере үндеушіліктен әлдеқайда маңызды.

                                                                                                        Нұрсұлтан Назарбаев

Ата тұрып ұл сөйлесе - ер жеткені болар,

Ана тұрып қыз сөйлесе - бой жеткені болар.

                                                                                                               Сырым Датұлы

Ағаңнан айырылсаң - қанатыңның қайырылғаны, әкеңнен айырылсаң - асқар тауыңның шағылғаны, сүйген жарыңнан айырылсаң - жапырағыңның қуарғаны, анаңнан айырылсаң - ағып жатқан бұлағыңның суалғаны.

                                                                                                              Сырым Датұлы

Асылы, адам - өз өмірінің суретшісі. Ол өмірді сырлап бояуға, оған ажар, түр беруге, оны әшекейлеп, өрнектеуге еңбек етеді.

                                                                                                                Ғабит Мүсірепов

Әр адамның өмірінде ұзақ күн, ұзақ түндері болады. Қысқа күн, қысқа түндері де болады.

                                                                                                                 Ғабит Мүсірепов

Жастықта көкірек - зор, уайым - жоқ.

                                                                                                   Абай Құнанбаев

Кәрісі кімнің жоқ болса, жасы болар дуана.

                                                                                                    Махамбет Өтемісұлы

Әлемді түгел көрсе де,

Алтын үйге кірсе де,

Ай нұрын ұстап мінсе де -

Қызыққа тоймас адамзат.

                                                                                                         Бұқар Қалқаманұлы

Әлемді түгел білсе де,

Қызығын қолмен белсе де,

Қызықты күн қырындап,

Қисынсыз күйге түссе де -

Өмірге тоймас адамзат!

                                                                                                            Бұқар Қалқаманұлы

Жақыңдап ажал тұрса да,

Жанына қылыш ұрса да,

Қалжырап, көңіл қарайып,

Қарауытып көзі тұрса да -

Үмітін жоймас адамзат!

                                                                                                             Бұқар Қалқаманұлы

Құйрық атып құлия,

Түлкідей қашқан жылмия.

Қараңды үзіп барасың,

Бізден де, қайран дүния.

Көп жылдар қудым артыңнан,

Лашындай сызып жер қия.

Бірде шығып шарыққа,

Бірде тарттым тұңғия.

Шад-шадыман күндерім,

Демедім бастан өтер ғой.

Дәурен өтіп, жас жатіл,

Замандас құрбы адамдар,

Азайып келіп ол бітті.

Көрген түстей бәрі де,

Көзімнен болды зым-зия.

Ағаш едің құрма өскен,

Ұршық болдың шуда өскен.

Бір қалыпта тұрмақ жоқ,

Шығармалық мұны естен.

                                                                                                                 Шәңгерей Бөкеев

Адам - таңғажайып құбылыс! Оның жан дүниесі, ақыл-ойы, жан-жақты талант-қабілеті - құдіреттілік табиғатының, мүлдем беймәлім әрі ешқашан да танып-білу мүмкін емес мәңгілік құпияның нақты көрінісі осы емес пе?!

                                                                                                             Шоқан Уәлиханов

Бұл фани ұзақ болса жүз жыл болар,

Байқасаң тоқтауы жоқ бұл бір сонар.

Сонаршы кешке дейін түлкі қуған,

Күн батып, шаршаған соң, ақыр қонар.

                                                                                                                          Сүйінбай Аронұлы

Адам баласы керуен сияқты: тоқтады, көшті де кетті.                                                                                    

Қорқыт ата

Өлгендер қайтып келмейді, шыққан жан қайтып енбейді.                                                                     

Қорқыт ата

Ажал жетпей - өлмек жоқ.

Қорқыт ата

Дереккөзі: «Әдеби әлем» порталы

Қысқа да нұсқа. Жазылыңыз telegram - ға