С. Ахметов Польша Воеводствосы одағы Басқармасының Төрағасын қабылдады

Премьер-Министрі Серік Ахметов Польша Воеводствосы одағы Басқармасының Төрағасы Яцек Протасты қабылдады деп хабарлайды Үкімет басшысының баспасөз қызметі.

Бүгін Үкімет үйінде ҚР Премьер-Министрі Серік Ахметов Польша Воеводствосы одағы Басқармасының Төрағасы Яцек Протасты қабылдады.

Кездесу барысында Қазақстан-Польша қарым-қатынастарын одан әрі дамыту мәселелері бойынша пікір алмасты.

Үкімет басшысы аймақаралық ынтымақтастық, территориялық басқару, шағын және орта кәсіпкерлікті дамыту мен қолдау салаларында ынтымақтастықтың зор әлеуеті барлығын атап айтты.

Я.Протас өз кезегінде екіжақты байланыстардың қарқынды дамып отырғанын атап, сауда-экономикалық салада, аймақаралық ынтымақтастықта өзара іс-қимылды жандандыра түсу қажеттігіне тоқталды. 

Қысқа да нұсқа. Жазылыңыз telegram - ға