Ауылда бокс мектебі ашылды

Жамбыл облысындағы Айман төбе ауылының тұрғындары балаларға арнап бокс мектебін салды, деп хабарлайды 24 кз. Ғимараттың спорт залы алғашқы шәкірттерге құшағын жайды. Қазір мұнда болашақ спортшылар дене шынықтыруға кірісіп кетті.

Ауыл тұрғындары бюджеттен қаражат қашан бөледі деп күткеннен гөрі балалардың арманын орындауды қолға алған. Жергілікті кәсіпкерлер қаржылай көмек көрсетіп, ал облыстық Бокс федерациясы қымбат тұратын ринг сыйлаған. Ғимаратты жарты жылда жөндеуден өткізіп, керек-жарақтарды алып, аз уақытта жүзеге асырды.

Аян ЛЕСБЕКҰЛЫ, ауыл тұрғыны:

- Бокс мектебінің ашылуы көптен бері ойда жүрген еді. Ұлыстың ұлы күнінде ашылып отырған мектептің жұмыстары аяқталып, халыққа ұсынылып отыр.

Боск мектебінің ашылуына ауылдың кішкентай болашақ спортшылары жиналды. Олар бұл күнді ұзақ күткен-ді. Енді оқудан тыс уақытта балалар салауатты өмір салтын қолдап, спортпен шұғылданады.

Дүйсенбай НАЗАРХАН, ауыл тұрғыны:

- Еліміздің туын көтеріп, қай уақытта Қазақстан атын танытқан 1980 жылы XII Олимпиада чемпионы Серік Қонақбаев, Бақтияр Артаев сынды жеңімпаздар шыға берсін деп тілейміз.

«Адамның бір қызығы – бала» деген демекші, ата-аналардың қуанышында шек жоқ. Өйткені олар балалардың болашағынан зор үміт күтеді. Осы бокс мектебінен түлеп ұшқан әр бала олимпиада чемпионы атанатынына сенімді.

Авторлар: Марал Сатқанғалиева, Дарья Крупина, Рауан Байкенже

Қысқа да нұсқа. Жазылыңыз telegram - ға

Ауылда бокс мектебі ашылды

Оқи отырыңыз

Бір отбасынан шығып, 2026 жылғы Олимпиадада чемпион атанған спортшылар

Ақ Олимпиада: Қазақстанның шынайы мүмкіндігі қандай?

11,8 млрд теңге, «Арсенал» қақпасына салынған тарихи голдар: «Қайрат» Чемпиондар лигасындағы жорығын аяқтады