Алматыда жапон киносының ХІІІ фестивалі өтеді

Алматыда жапон киносының ХІІІ фестивалі өтеді, деп хабарлайды BNews.kz тілшісі Жапония Елшілігіне сілтеме жасай отырып. Жапон киносының фестивалі аясында жапондарға тән қайталанбас әрі ерекше мінез-құлықты, траихты, Күншығыс елінің мәдениеті мен тұрмысын аша түсетін бес фильм көрсетіледі.

Ұйымдастырушылар атап өткендей, әлемде танымал аниме жанрынан заманауи комедиялар мен терең мағыналы драмаларға дейінгі жапондық киноның жан-жақтылығын көрсету кинофестивальдің мақсаты боп табылады.

Барлық фильмдер жапон тілінде орыс тіліндегі субтитрлер арқылы көрсетіледі.

Көрсетілім кестесі:

1 наурыз (жұма)

19:00 – Фестивальдің ашылуы. «Ханкю» электр пойызы», комедиялық драма

2 наурыз (сенбі)

15:00 - «Қортық Маруко», анимация

17:00 - «Қызу жарыс», комедия

3 наурыз (жексенбі)

15:00 - «Сәтті ұшу», комедия

17:00 - «Дора-Хейта», комедиялық боевик

Фестивальді Алматыдағы Жапония Елшілігі, «Цезарь» кинотеатрының қолдауымен Олег Борецкийдің Кино клубы ұйымдастырады.

Қысқа да нұсқа. Жазылыңыз telegram - ға