Чемпиондар лигасы: «Ордабасы» алғашқы ойында гол соға алмады
УЕФА Чемпиондар лигасының 2024/25 жылғы маусымының іріктеу кезеңі басталды, деп хабарлайды El.kz ақпарат агенттігі.
Бұл турнирде былтырғы ел чемпионы Шымкенттің «Ордабасы» командасы бақ сынап жатыр. Шымкент клубы алғашқы матчын Молдованың «Петрокуб» командасымен өткізді. Бұл клуб Молдованың суперлигасында 2015 жылдан бері ғана өнер көрсетіп жүр. Соңғы жылдары жүлдеге іліге бастаған. Ал былтыр «Ордабасы» секілді олар да алғаш рет өз елінің чемпионы атанған.
Шымкентте өткен матчта есеп ашылмады – 0:0. Қарымта ойын 17 шілдеде Молдовада өтеді.
«Ордабасы» – «Петрокуб» (Молдова) – 0:0
«Ордабасы»: Сергей Игнатович (Қ), Гафуржан Сүйімбаев (Златан Шехович, 83), Темірлан Ерланов (Сағадат Тұрсынбай, 18), Сергей Малый, Игорь Пластун, Сұлтанбек Астанов, Асхат Тағыберген (Еркебұлан Тұңғышбаев, 83), Евгений Макаренко, Бауыржан Исламхан (Айбол Әбікен, 66) – Артем Беседин (Дембо Дарбо, 66), Жасур Яхшибоев;
«Петрокуб»: Сильвиу Шмаленя (Қ), Думитру Демиан (Василий Жардан 64), Сергей Плэтикэ, Виктор Мудрак, Ион Борш, Ион Жардан, Дан Пушкаш (Марин Кэрунту, 75), Дональо Дуанла, Теодор Лунгу, Владимир Амброс (Михаил Плэтикэ, 64), Михай Лупан (Мариус Йосипой, 81);
Қысқа да нұсқа. Жазылыңыз telegram - ға