Бүгін сержанттар кәсіби мерекесін атап өтіп жатыр
Әскери бөлімдер мен мекемелерде Қарулы күштердегі сержанттар корпусының қалыптасуы мен дамуына елеулі үлес қосқан әскери қызметшілер мен ардагер сержанттарға құрмет көрсетілді. Спорттық-сауықтыру, мәдени-бұқаралық және ақпараттық-имидждік іс-шаралар өткізілді, деп хабарлайды El.kz ақпарат агенттігі.
Ерекше көзге түскен әскери қызметшілерге "Қазақстан Республикасы Қарулы күштерінің үздігі" төсбелгілері, қорғаныс ведомствосы басшысының және Қорғаныс министрінің бірінші орынбасары – Бас штаб бастығының грамоталары табысталды.
Қазақстан әскерінде кәсіпқой кіші командирлердің қалыптасу тарихы 1996 жылдың 1 шілдесінде Қорғаныс министрлігінде Кадет корпусының құрылуынан бастау алады.
Бүгінде сержанттар Қорғаныс министрлігінің армия генералы Сағадат Нұрмағамбетов атындағы әскери колледжі мен Шоқан Уәлиханов атындағы әскери колледжінде дайындалады.
Қазақстан әскерінде бөлімше командирінен бастап Қарулы күштердің бас сержантына дейінгі сержанттық лауазымдар қалыптасқан. Олар жеке құрамды тәрбиелеумен және оқытумен айналысады. Командирлерге әскери ұжымның күнделікті өмірін ұйымдастыруда жан-жақты көмек көрсетеді.
Кіші командирдің беделіне, тәжірибесіне және кәсіби деңгейіне жауынгердің жауынгерлік білімі, моральдық-психологиялық жағдайы, яғни қойылған оқу-жауынгерлік міндеттерді орындау қабілетіне байланысты. Сондықтан сержанттарды оқыту сапасына ерекше назар аударылып келеді.
Қысқы оқу кезеңінде сержанттар мен сарбаздарды дайындауға 13 мыңнан астам адам қамтылды. Біліктілікті арттыру курстарында 300-ден астам сержант, бөлімше старшиналарының жиындарында 370-тің үстінде, ал мамандық бойынша нұсқаушылар жиындарында 5 мыңнан аса нұсқаушы-сержант есепті кезеңде әртүрлі мамандықтағы 30 мыңнан астам әскери қызметші, оның ішінде 47% - мерзімді қызмет сарбазы даярланды.
Биыл қазақстандық әскери қызметшілер "Best Worrier" халықаралық байқауына қатысты. Ол АҚШ-тағы Аризона Ұлттық гвардиясының әскери базасында өтті. Жаттығулар мен нормативтер шетелдік қару-жарақ пен құрылғыларда орындалды.
Жарыс барысында 20 шақырым марш жасау кезінде сержант Мұхиадин Сұмағұл үздік өнер көрсетті. Оның нәтижесі Аризона Ұлттық гвардиясының байқау тарихындағы рекорды ретінде тіркелді. Ал 2-сыныпты сержант Орынбек Сандыбеков атыс қаруының әртүрлі түрлерінен атыс жаттығулары мен жауынгерлік дайындық пәндері бойынша нормативтер орындау кезінде үздік нәтиже көрсетті. Осылайша, елеулі бәсекелестік пен қиындықтарға қарамастан, біздің әскери қызметшілер өздерінің жоғары кәсібилігін дәлелдеп, байқауға қатысушылардың бәрінен басым түсті.
Қысқа да нұсқа. Жазылыңыз telegram - ға