«Бұдан да жақсы нәтиже тіркеуге болатын еді»: Кебіспаев Азия чемпионатына баға берді
Грек-рим күресінен 17 жасқа дейінгі жасөспірімдердің аға жаттықтырушысы Алмат Кебіспаев Иорданияда өткен Азия чемпионатын қорытындылады. Бұл туралы ҚР ҰОК-ке сілтеме жасай отырып El.kz ақпарат агенттігі хабарлайды.
Хашимит қаласындағы құрлық додасында грек-рим күресінен алты балуан жүлдегер атанды.
Жалпы Иорданиядағы Азия чемпионатында Қазақстан құрамасының қол жеткізген нәтижесі бапкерлер көңілінен шықты. Құрамамызда бұдан да жақсы нәтиже көрсетеді деген балуандар болды, кішкене өздеріне сеніңкіремей қалды деп ойлаймын. Бұдан жақсы нәтижеге қол жеткізуге толық мүмкіндігіміз болды. Енді қателіктермен жұмыс істейміз. Алдағы U-17 әлем чемпионатында кейбір салмақтарда өзгеріс болуы мүмкін, - деді Кебіспаев.
Естеріңізге салсақ, грек-рим күресінен U-17 құрамасы командалық есепте үшінші орын алды, 10 балуанның алтауы Азия чемпионатында жүлдеге ілінді.
Қысқа да нұсқа. Жазылыңыз telegram - ға