Бразилияда қақпашы пенальти қайтарамын деп көз жұмды

Бразилияда қақпашы пенальти қайтарамын деп көз жұмды

05.09.2025 11:00

Фото: t.me/nexta_live

Бразилияда көпшілікке Пиксе лақап атымен танымал қақпашы Антонио Эдсон дос Сантос Соуза әуесқой футзал турнирі кезінде қайтыс болды, деп хабарлайды El.kz интернет порталы.

CNN мәліметінше, оқиға Аугусту-Корреа муниципалитетінде өткен аймақтық турнир кезінде болған. Қақпашы пенальтиді кеудесімен қайтарған соң, командаластарымен бірге тойлауға бара жатқан, алайда бірнеше қадам жасаған соң кенеттен құлап түсті. Бұл сәттің видеосы әлеуметтік желіде тарады.

Ол шұғыл түрде ауруханаға жеткізілгенімен, дәрігерлер өмірін сақтап қала алмады. Қазіргі уақытта қақпашының өліміне нақты себеп болғаны анықталып жатыр.