Жаңалықтар

"Боран, көктайғақ, қалың қар". ІІМ жолға шығарда абай болуды ескертті

Фото: © Pixabay.com

Фото: © Pixabay.com 11.02.2024 11:50 872

Ішкі істер министрлігі ауа райына байланысты тиісті хабарламаларға мән беріп, жолға шығарда қағидаттарды қатаң ескеруді сұрады, деп хабарлайды Еl.kz ақпарат агенттігі.

Осы ретте ауа райы күрт өзгеріп кетуі мүмкін болғандықтан, полицейлер тұрғындарға "112" қызметінің SMS-хабарламаларын міндетті түрде бақылап отыруға, кәмелетке толмаған балаларды, науқас және қарт адамдарды қараусыз қалдырмауға, құбылмалы ауа райы кезінде елді мекендерден автокөлікпен және жаяу алыс жолға шықпауды ұсынады.

Өткен түнде Абай облысының Бородулиха, Жарма және Аягөз аудандарында нашар көріну және боран, көктайғақ жағдайлары тіркелді. Автожолдарда үлкен кептелістің пайда болуын болдырмау мақсатында тәртіп сақшылары жол қызметтерімен бірлесіп колонналармен көлік қозғалысын ұйымдастырды. Боранға қарамастан, полицейлер жолды тексеріп, жолда қалған жүргізушілерге көмектеседі. Тек бір түнде 3 ауыр жүк жүргізушісіне көмек көрсетілді.

Қазіргі уақытта Ақтөбе облысы Самара-Шымкент республикалық маңызы бар автожол учаскесіндегі жағдай тұрақты және бақылауға алынған. Хромтау ауданында арнайы полиция бекет қойылып, Патрульдік полиция ротасының қызметкерлері тәулік бойы кезекшілік ұйымдастырғаны хабарланды.

Солтүстік Қазақстан облысында ақпанның 10-нан 11-не қараған түндегі метеорологиялық жағдай тұрақты болды. Патрульдік полиция батальонының жасақтары мен кезекші учаскелік полиция инспекторлары қызметтерін штаттық режимде атқарып, қоғамдық тәртіпті және жол қауіпсіздігін қамтамасыз етіп, трассалар мен елді мекендерді патрульдеп жатыр. Шұғыл әрекет етуді қажет ететін оқиғалар тіркелмеген.

Бөлісу: