Жаңалықтар

Бокстан Қазақстан ұлттық құрамасы Азия чемпионатына қатысады

Фото: ҰОК

Фото: ҰОК 13.09.2024 22:47 416

11 қараша мен 12 желтоқсан аралығында Иорданияның Амман қаласында бокстан Азия біріншілігі өтеді, деп хабарлайды El.kz ақпарат агенттігі.

Аталған турнирге Қазақстан құрамасы да қатысады.

Бас бапкер Қайрат Сәтжановтың айтуынша, әзірге құрлық додасында бақ сынайтын боксшылар есімі белгісіз.

Азия чемпионатына дейін жігіттерді қарастырамыз. Жақында Қарақозы Әбдәлиевті еске алуға арналған халықаралық турнир өтеді. Сол бәсекеде кейбір салмақтардағы спортшыларды анықтаймыз. Одан бөлек, оқу-жаттығу жиындарын өткіземіз, - деді бас бапкер.

Айта кетелік, Париж Олимпиадасынан соң бокстан Қазақстан командасында өзгерістер болып, бас бапкер қызметіне Қайрат Сәтжанов кірісті.

Ол осы қызметте Мырзағали Айтжановты алмастырған болатын.

Бөлісу: