Бизнестің дамуына кедергі келтіргендер жауапқа тартылады
Бұл туралы Қасым-Жомарт Тоқаевтың салтанатты ұлықтау рәсімінде айтты
Мемлекет басшысы Қасым-Жомарт Тоқаев кәсіпкерлер тек салық органдарының алдында ғана есеп беретінін айтты, деп хабарлайды El.kz ақпарат агенттігі.
«Басты міндет – іскер азаматтарымыздың кәсіпкерлік рухына зиянын тигізетін жасанды кедергілер мен шектеулердің бәрін жою. Кәсіпкерлер бизнеске жүргізілетін себепсіз тексерулерді біржолата ұмытуы қажет. Олар тек салық органдарының алдында ғана есеп береді. Мемлекет пен бизнес – сенімді серіктестер», - деді Президент.
Бұдан соң, ол шағын және орта бизнестің дамуына заңсыз кедергі келтіретіндердің бәрі заңға сәйкес қатаң жауапқа тартылатынын айтты.
«Біз ауқымды индустрияландыруды, инфрақұрылымдарды салуды және жаңғыртуды қолға аламыз. Кең байтақ еліміздің әр өңірінің дамуына тың серпін беру маңызды», - деді Мемлекет басшысы.
Қысқа да нұсқа. Жазылыңыз telegram - ға