Бізге банктер туралы жаңа заң қажет – Тоқаев
Периздент Қасым-Жомарт Тоқаев халыққа жолдауында алдағы жұмыстың нақты бағыттарына тоқталды, деп хабарлайды El.kz ақпарат агенттігі.
Тоқаев алдымен ақша-несие саясаты мен фискалды саясаттың арасындағы үйлесімсіздікті жоюды тапсырды. Себебі нақты секторға несие әлі де ойдағыдай берілмей жатыр.
Шағын және орта бизнесті жеткілікті қаржыландыру мәселесі де шешімін тапқан жоқ. Бұл жағдай еліміздегі іскерлік ортаның белсенділігіне, экономиканың тұрақтылығына және дәйекті дамуына кедергі келтіріп отыр. Үкімет пен Ұлттық Банк бірлесіп, осыған қатысты оңтайлы шешімдер ойластыруы керек. Банктердің экономикаға көбірек қаржы құюына жағдай жасау қажет.
Халықаралық сарапшылар қазақ банктерін ресурсқа бай елдер ішіндегі ең көп пайда табатын банктер санатына қосады. Сондықтан осы саладағы салық мөлшері әділ белгіленуге тиіс. Банктердің акционерлері дивидендіне сәйкес салық төлеуі керек. Банктерге мемлекет көрсеткен көмек тұрғысынан қарасақ, бұл – өте орынды ұстаным. Цифрлық активтердің айналымын қамтамасыз ету және банк саласына инновацияларды қауіпсіздік талабына сәйкес енгізу үшін оны реттейтін тетіктердің тұрақты болуы маңызды, - деді Тоқаев.
Президент банктер туралы жаңа заң қажет екенін де алға тартты. Өйткені қолданыстағы заң осыдан 30 жыл бұрын ескірген.
Бізге Банктер туралы жаңа заң қажет. Бұл құжатта экономикалық белсенділікті қолдау және финтех саласын қарқынды дамыту сияқты өзекті мәселелер шешімін табуы керек. Қазір қолданып жүрген заң шамамен 30 жыл бұрын қабылданған. Ол кезде заман да мүлде басқа болды.
Ашығын айтуымыз керек, бізде республикалық бюджеттің кіріс бөлігі орындалмай жатыр. Бұл – бұрынғы және қазіргі Үкімет жұмысындағы үлкен олқылық. Мұндай жағдай жиі қайталанса, түптеп келгенде, еліміздің дамуын тежейді. Сондықтан оған жол бермеу қажет. Бюджет қаржысын тиімді пайдаланып, оның шығыс бөлігін шектеп, қатаң бақылауда ұстаған жөн. Үкімет Ұлттық бБанкпен бірлесіп, осы мәселеге қатысты нақты шаралар қабылдауға тиіс, - деді президент.
Қысқа да нұсқа. Жазылыңыз telegram - ға