Астанада Қуандық Бишімбаевтың анасы Альмира Нұрлыбекова өз туысы Бекзат Кемеловаға қарсы қозғалған іс бойынша сотта куәлік берді, деп хабарлайды El.kz интернет порталы.
Альмира Нұрлыбекова Кемелованы шамамен 1 миллион долларды сақтау үшін берген ақшаны қайтармаған деп айыптады.
Шағымданушының айтуынша, Кемелова оған “Антикор жақындарыңды тексеріп жатыр, тінту болады” деп ескерткен соң, ақшаны соған сеніп тапсырған. Кейін Кемелова қаражатты “АҚШ-қа біреу алып кетті” деп түсіндірген.
Айыпталушы өз кінәсін мойындамай, Бишімбаевтар отбасымен болған дау азаматтық сипатта екенін айтты. Ал қорғаушылар бұл істі “кек алу әрекеті” деп бағалауда.
Мен оның сөзіне сеніп қалдым. Біз ақшаны кімге беруге болатынын ақылдастық. Көп туысым бар, бәлкім, соларға берермін дедім. Ол маған: “Сенің барлық туысың Антикордың тізімінде, 30 адам бар, бәрін бақылап отыр, жақында сендердің үйлеріңде тінту болады. Тек Келеовтер ол тізімде жоқ” деді. Сол кезде мен бұл ақшаны (990 мың долларды) оның сақтауына беру керек деп шешттім, - деді Нұрлыбекова сотта.
Бұған дейін Бишімбаевтың ата-анасы туыстары Қайрат пен Бекзат Кемеловтерге қарсы бірнеше сот ісін қозғаған болатын. Мамыр айында “ар-намыс пен абыройды қорғау” ісі бойынша Нұрлыбекова сотта жеңіске жеткен.
Қысқа да нұсқа. Жазылыңыз telegram - ға
Оқи отырыңыз 
