Бишімбаевқа көмектескен Гастро-орталық директоры екі айға қамалды
![Бишімбаевқа көмектескен Гастро-орталық директоры екі айға қамалды Бишімбаевқа көмектескен Гастро-орталық директоры екі айға қамалды](/storage/storage/element/2023/11/14/mainphoto/76621/1200xauto_SWozwdKwCGgwPR9nBES2sOKVqRczv6sxVIPutfUG.png)
Бұл туралы Астана қаласының полиция департаменті мәлім етті, деп хабарлайды El.kz ақпарат агенттігі.
“Бау” мейрамханасында әйелді өлтіру фактісін тергеу аясында Гастро-орталық директорына қатысты бұлтартпау шарасы қабылданып, ол 2 айға қамауға алынды, – деп хабарлайды департамент.
Оған қылмыстық кодекстің 432-бабы бойынша (қылмысты жасыру) айып тағылған. Бұдан өзге ақпаратты департамент тергеу мүддесіне байланысты жарияламады.
Айта кетейік, қылмысқа қатысы бар деген күдікпен "Гастро-орталық" директоры ұсталғанын жазған едік. Оған қылмысты жасырды деген айып тағылған.
Осылайша, экс-министр Қуандық Бишімбаевқа қатысты резонансты істе тағы екі іс – қылмыстық кодекстің 434-ші (қылмыс жайлы хабар бермеу) және 116-бабы 3-бөлігі (қауіпті жағдайда қалдыру) бойынша қозғалған.
![Telegram](https://el.kz/static/site/images/tel26.png)