«Бірлестік-2024»: төрт мемлекеттің әскери контингенттері Маңғыстау облысына келді
![«Бірлестік-2024»: төрт мемлекеттің әскери контингенттері Маңғыстау облысына келді «Бірлестік-2024»: төрт мемлекеттің әскери контингенттері Маңғыстау облысына келді](/storage/storage/element/2024/07/09/mainphoto/111732/1200xauto_LP3Zz94Rsf9Ld800JRmu3ml2vTreBxDqad6Ogfbf.jpg)
Ақтау қаласының Әскери-теңіз базасының порты мен әскери әуеайлағында Қырғызстан, Өзбекстан, Әзербайжан және Тәжікстан әскери қызметшілерін салтанатты түрде қарсы алды, деп хабарлайды El.kz ақпарат агенттігі.
Қорғаныс министрлігінің мәліметінше, батыс өңірде 8-17 шілде аралығында «Бірлестік-2024» жедел-тактикалық командалық-штабтық оқу-жаттығуы өтеді. Әскери жаттығу «Оймаша» полигонында және маңызды эпизодтарының бірі көрсетілетін Тоқмақ мүйісінен екі шақырым жерде өтеді.
Қатысушы елдердің әскери контингенттері әскери-көлік ұшақтарының бортымен жеткізілді. Жаттығуға қатысу үшін Әзербайжан елі күзетші және орта десанттық корабльдерін, ал Өзбекстан армия авиациясының тікұшақтарын жіберді, - делінген мәліметте.
Бұдан бөлек әскери полигонда және Қарақия ауданындағы Тоқмақ мүйісінде әскерлердің тыныс-тіршілігін қамтамасыз ету және орнықтыру үшін шатырлы лагерьлер дайындалды.
![Telegram](https://el.kz/static/site/images/tel26.png)