«Бірі күзетші, екеуі сұлулық салонында жұмыс істейді». Вице-министр күдіктілер жайлы айтты
Ішкі істер министрінің бірінші орынбасары Бауыржан Әленов 16 жастағы Шерзат Болаттың өліміне қатысы бар күдіктілер туралы айтты, деп хабарлайды El.kz ақпарат агенттігі.
Оның сөзінше, оқиға орнында болған 7 адам қамауға алынды, 13 қазан күні оқиғаға қатысы бар тағы 3 күдікті қамалды.
Вице-министр желіде айтылып жатқан «Хуторские» ҰҚТ ішкі істер органдарында есепте жоқ екенін атап өтті.
Осы істің басы-қасында болған күдіктілерге қатысты портреттік сипаттама бере аламын. Күдіктілердің екеуі ипподромда тұрақты жұмыс істейді, бірі Шымбұлақта жұмысшы, екіншісі «Ақбұлақта» күзетші, екеуі сұлулық салонында жұмыс істейді, - деді Бауыржан Әленов.
Вице-министрдің айтуынша, күдіктілердің барлығы кәмелет жасқа толған азаматтар. Қайғылы оқиға болған күнге қатысты жағдай мен күдіктілердің бір-бірімен байланысын мұқият тексеру жалғасады.
Қысқа да нұсқа. Жазылыңыз telegram - ға