Банкрот деп танылған тұлғаларға қандай шектеулер бар
Елімізде соттан тыс банкроттық рәсімін қолдануға 2023 жылдың 3 наурызынан бастап 97 мың өтініш қабылданды. Бұл туралы ҚР Қаржы министрлігінің журналистермен кездесуінде вице-министр Ержан Біржанов мәлім етті, деп хабарлайды El.kz ақпарат агенттігі.
Вице-министрдің айтуынша, оның ішінде 80 мыңынан бас тартылып, 11,7 мыңнан астам азамат банкрот деп танылды.
25 млрд теңгеден астам есептен шығарылды. Заңға екінші деңгейлі банктермен реттеу бойынша құжат қосымшаларын алып тастау, берешек сомасын және кредиторды көрсетуді талап етпеу, өлшемшарттады кеңейту бойынша өзгертулер әзірленіп жатыр. Өлшемшарттар кеңейтіледі, – деді Ержан Біржанов.
Өңірлер бойынша келесідей банкроттыққа өтініш келіп түскен:
Алматы облысы - 11482
Алматы қаласы - 8168
Жамбыл облысы - 7681
Түркістан облысы - 12499
Қызылорда облысы – 7202
Бұл ретте ҚР Қаржы министрі Мәди Тәкиев түсіндіру арқылы көп нәрсені жеткізуге болатынын айтады.
Егер сізді банкрот деп таныса, онда бірқатар шектеу шаралары бар. Шетелге шығу, қосымша кредиттер алу деген сияқты. Біз адамдарға жеңіл болу үшін бірқатар құжаттарды заң жүзінде алып тастадық. Бұл жағынан біз процесті жеңілдеттік, – деді қаржы министрі Мәди Тәкиев.
Қысқа да нұсқа. Жазылыңыз telegram - ға